India francesa

La India francesa, oficialmente Établissements français dans l'Inde y coloquialmente Comptoirs des Indes, foi una colonia francesa que comprendía cinco enclaves xeográficamente separtaos del socontinente indiu que foran, inicialmente, factoríes de la Compañía Francesa de les Indies orientales. Los cinco enclaves, que foron incorporaos de facto a la República d'India en 1950 y 1954, yeren: Puducherry, Karaikal y Yanam na Costa de Coromandel, Mahé na Costa de Malabar, y Chandannagar en Bengala. Los franceses tamién teníen pequeños puestos comerciales dientro d'otres ciudaes, pero de magar 1816 los británicos refugaron les reclamaciones franceses sobre ellos, que nun foron reocupaos nunca más. Pa 1950 l'área total de los enclaves yera de 510 km² (293 d'ellos nel territoriu de Puducherry), y la so población de 298.851 habitantes (187.870 d'ellos, el 63%, vivíen nel territoriu de Puducherry)^[1].

1. ↑ Jacques Weber, Pondichéry et les comptoirs de l'Inde après Dupleix, Éditions Denoël, Paris, 1996, p. 347.